A conselleira do Mar mantivo hoxe un encontro cos presidentes das cinco autoridades portuarias de Galicia no que analizou a actividade dos portos no actual contexto de alerta sanitaria polo coronavirus e os retos de futuro de cada unha das entidades. Neste sentido, as partes salientaron a importancia de contar cunha carteira de tráficos diversificada para reforzar a súa posición, impulsar a súa competitividade e resistir mellor posibles dificultades derivadas da evolución da economía.

A Confederación de Empresarios de Pontevedra anunciou a creación da primeira aceleradora de empresas da función loxística e a cadea de subministración, enmarcada no proxecto europeo CoLogistics, e que se denominará CoLogistics Business Accelerator (CBA).

O concello de Santiago de Compostela, a través do seu proxecto de Smartiago, publicou unha licitación para a CPI para a análise de hábitos de mobilidade.

O Ministerio de Industria anunciou a apertura do sistema telemático de xestión para a presentación de solicitudes e a reserva da axuda estatal correspondente ao Plan Renove 2020.

A Plataforma de Contratos da Xunta de Galicia publicou onte a licitación da Estratexia Loxística de Galicia 2020 - 2028 por un importe de máis de 161.000 euros e un prazo de execución de 15 meses.

O proxecto de promoción dunha gran central de transportes na área de Vigo reactívase tras a resolución dun recurso no proceso de contratación e os retrasos provocados pola emerxencia sanitaria