14 Dec O Clúster expón coa Zona Franca de Vigo as oportunidades que a nivel loxístico presenta a relocalización dos procesos productivos
14 de decembro 2021
O Clúster expón coa Zona Franca de Vigo as oportunidades que a nivel loxístico presenta a relocalización dos procesos productivos
O Clúster da función loxística de Galicia participará no taller sobre estratexias de relocalización organizado nas instalacións do Consorcio da Zona Franca de Vigo, en Bouzas (Vigo).
A través do seu xerente, Iago Domínguez, e de Rafael Sabuceo, responsable de Expansión e Desenvolvemento de Deltacargo, empresa socia do clúster, exporanse as diferentes oportunidades de negocio que se presentan a nivel loxístico na implantación de estratexias de relocalización nas empresas galegas.
Acompañados de representantes de diferentes sectores e institucións, poranse en común as conclusións sobre o cambio de tendencia derivados da crise sanitaria e as perspectivas a futuro na economía productiva da rexión.
O evento, a celebrar nas instalacións do Consorcio da Zona Franca de Vigo, é aberto e presencial, de inscrición gratuíta na ligazón amosada a continuación. A hora de celebración é ás 9:30.