13 de outubro 2021

A falta de microchips, tamén unha preocupación para os axentes loxísticos do sector auto

A escaseza de microchips que está a afectar fortemente ao sector da automoción en Galicia e outras moitas rexións europeas non é só unha preocupación de fabricantes. Os axentes loxísticos relacionados co sector tamén están a expresar a súa preocupación pola supervivencia da industria fronte ás consecuencias do desabastecemento.

Así é tal, que dende a Association of European Vehicle Logistics (ECG), que celebra a partires de mañá a súa conferencia anual, incluíu a temática entre os aspectos a tratar, xunto coa prioridade da descarbonización na cadea de valor.