9 de xullo 2021

BionixSupplychain Technologies galardoada como mellor iniciativa innovadora na loita contra a Covid-19, premios PEL.

A Deputación da Coruña recoñece, a través dos premios PEL, as mellores empresas da provincia da Coruña , resaltando as iniciativas de asociacións empresariais e concellos que destacan pola súa aposta polo desenvolvemento económico.

O presidente da Deputación, Valentín González Formoso, explica que todas estas empresas contribúen á reactivación económica, tan necesaria tras a pandemia, creando emprego e axudando a que a provincia continúe sendo un importante motor económico para Galicia.

Como novidade nesta cuarta edición , introdúcese a categoría de mellor iniciativa innovadora na loita contra a Covid-19, na que resultou gañador un dos nosos socios, BionixSupplychain Technologies, por crear en plena pandemia, e en tempo récord, un respirador artificial de baixo custo e de fácil industrialización.