28 de abril 2021

Porto da Coruña, segundo maior incremento do sistema portuario español no mes de marzo.

Segundo o resumo estadísticopublicado por Puertos del Estado, os tráficos do Porto da Coruña alcanzan os 1,12 millóns de toneladas de mercadorías no pasado mes de marzo, un 34% máis que o ano anterior.

Marzo foi o mellor mes para o Porto da Coruña dende abril 2020, contou cun crecemento en todos os sectores: graneis líquidos e sólidos, e todo tipo de mercadorías. Grazas a isto, o movemento acumulado do primeiro trimestre péchase cun saldo positivo do 9,13%.

Entre os seguintes portos da lista atópase o de  Vilagarcía que pasa de 101.080 a 126.059 toneladas nun ano.  Con respecto ao resto de portos galegos, o Porto de Vigo tamén tivo un crecemento de 363.403 a 416.434 toneladas.