20 de abril 2021

O porto de Vilagarcía de Arousa rexistra no último trimestre un tráfico récord de 336.638 toneladas

O porto de Vilagarcía pechou o primeiro trimestre do 2021 co mellor dato da súa historia, movendo un total de 336.638 toneladas de mercadorías, un 21,7% máis que o primeiro trimestre do 2020.

A cifra récord sustentouse principalmente no crecemento dos graneis sólidos, cuxos tráficos incrementáronse un 40% en relación aos tres primeiros meses do ano anterior. Aínda así, case todos os tipos de mercadorías rexistraron melloras comparativas neste ano 2021, o que era de esperar pola boa recuperación do porto fronte ao impacto da pandemia no 2020.

José Manuel Cores Tourís, presidente da Autoridade Portuaria arousá, destacou o esforzo de todos os sectores presentes no porto para acadar o histórico resultado no porto, así como destacou a importancia de reforzar as relacións do porto cos sectores productivos e loxísticos da súa contorna.