08 de octubre 2020

Papelera de Brandia, S.A. únese ao Clúster da Función Loxística de Galicia

A compañía Papelera de Brandia, S.A. con sede en Santiago de Compostela, rematou os trámites para a súa adhesión ao Clúster da Función Loxística de Galicia. A falta de formalización en xunta directiva, a compañía únese en calidade de socio á asociación.

O Clúster dalle a benvida á empresa, que pasará a aportar nos grupos de traballo a súa experiencia e propostas para seguir medrando en pos dun sistema loxístico galego máis competitivo.

A adhesión de Papelera de Brandia reflicte a diversidade de sectores e organizacións adheridas ao Clúster, que comparten a visión estratéxica e transversal da función loxística en Galicia.