12 de agosto 2020

O porto de Ferrol – San Cibrao saca a licitación a asistencia técnica para o proxecto CEF

A autoridade portuaria de Ferrol – San Cibrao sacou a licitación no día de onte o servizo de asistencia técnica para a xestión do proxecto CEF “Rail Connection to the outer port of the port of Ferrol Nº2019-ES-TA-0032-M”. O contrato, presupostado en 51.273,75 € IVE engadido, ten un prazo de execución de dous anos. A data límite para a presentación de candidaturas é o martes 25 de agosto do 2020.

A licitación é froito da aprobación do proxecto na convocatoria de axudas dentro do marco do programa CEF-Transportes. Con cargo a este mecanismo financeiro, a Comisión Europea ofrece a posibilidade de co-financiar estudos, proxectos e actuacións de desenvolvemento infraestrutural que se atopan recollidas dentro do ámbito da Rede Transeuropea de Transporte (RTE-T) e que está a iniciar a súa execución con esta licitación.