Punta Langosteira, o porto exterior da Coruña, acadou a cifra de 10 millóns de toneladas de mercancía movida nas súas instalacións. Coa chegada dun buque con mercancía alimentaria a granel, o tipo de mercancía máis común no porto, conseguíuse dito hito.

Para celebrar o acontecemento, institucións da Xunta de Galicia e a Autoridade Portuaria da Coruña acudiron e entregaron unha placa conmemorativa ao capitán do buque. Non se perdeu a ocasión para reivindicar o investimento privado, xunto coa iniciativa pública, como un pilar fundamental para o impulso do porto.