Hoxe púxose en marcha o Observatorio de Custos de Transporte de Mercadorías por Estrada de Galicia. Unha ferramenta impulsada pola Xunta de Galicia para particulares e empresas que servirá para a optimización dos custos de transporte de mercadorías por estrada. A través da súa páxina web, poderanse calcular os custos de transportar mercadorías entre un punto de orixe e outro de destino.

O Observatorio constituíuse coa axuda de diferentes axentes do sector, e servirá tamén para promover a transparencia nas operacións loxísticas na comunidade.