A Autoridade Portuaria de Vilagarcía informa sobre os resultados do mes de abril no porto, onde se rexistrou un movemento de 90.595 toneladas de mercancía, un 17 % máis que o mesmo mes do ano 2019. No total do ano 2020 ata a actualidade, foron 363.191 toneladas de mercancías as movidas. A Autoridade Portuaria pon en valor a dixitalización, o apoio e a coordinación con todos os axentes do porto para a adaptación á nova realidade provocada pola emerxencia sanitaria.